Sa Anghel

ANGHEL...

Minsan kang nahulog sa lupang iyong nilimot,
Naghanap ng mortal upang puso mo'y makaramdam,
Natagpuan mo ang saya sa kamay ng isang taga lupa,
Naramdaman ang sarap ng buhay ng walang kamalay malay na. . .

LUHA...

ang iyong matatagpuan,
Sa mundong iyong nilisan,
Sa kamay nya, puso mo'y nadurog. . .
Tumagos sa iyo ang sibat ng kamunduhan. . .

LUNGKOT...

Ang iyong nadama pagkatapos mong mapinsala,
Di mo matangap at di ka parin makapaniwala,
hindi mo naisip na maari ka paring masaktan,
Naramdaman mo rin ang pasanin ng mga mortal. . .

AKO...

Na minsa'y napadaan at nakakita sa iyo,
nagtataka kung anong lungkot ang bumabalot sa ngiti mo. . .
Nilapitan ka't nag tanong, "may kapangyarihan ka bang baguhin ang nararamdaman mo? "
Pinaghalung lungkot at ngiti ang sagot mo...

IKAW ...

Na minsay inisip na krus ang iyong pinapasan,
Na nabigyan ng biyaya, ngunit ikay nagbulag-bulagan,
Ang bunga ng iyong kasalanan, ay siya ring bunga ng iyong pagka-salba,
kung iisipin mo may paraan siya...

PAK-PAK...

Ganito mo siya ituring,
Ganito mo siya tignan,
Ganito mo siya alagaan,
at pag nagawa mo ang mga ito'y wala ka nang hihilingin pang kapalit...

ituring ang mga problema na mga balahibong nawala, pag nalagpasan mo't nabuo ay ililipad ka nila. . .

BUMUBULONG...

ang iyong pak-pak,
na parang sangol na nawawala sa ulap,
"Mommy mahal kita. . ."
Sana yan ang palagi mong maalala

SA ILOG ...

Tayo nagtagpo,
At sa ilog din naramdaman ang unang tibok ng sugatan nating mga puso,
Sa ilog mo rin sana matagpuan ang nagkalat na puting balahibo,
Sana'y habang unti-unti mo itong pinupulot,
ipaanod mo na rin sa agos ang iyong puot

DEMONYO...

ang itawag mo sakin,
Kahit alam kong mabibigo ako,

kaya ko paring maging magpakabuti para sa iyo,
Magugulat nalang siguro ang bathala, Tatanga nalang sya't di-makapaniwala
Na minsan gumabay ang tulad ko...

sa Anghel na tulad mo...