TIMING

TRY MONG BAGALAN NG ISANG BESES ANG HAKBANG MO. . .

Mababago na kagad ang kapalaran mo. . .

Lahat kunektado. . .


Ultimo pag-lingon, ultimo pag-tanga. . .


Pati pag hakbang at phase ng paglakad natin,

Timing nga naman. . .

Ang sama tumiming. . .

Bat ba kasi naimbento ang orasan,
naging busy na tuloy ang tao simula non. . .
natuto na tuloy mag bilang ang tao kung hangang kailan niya papahalagahan ang isang bagay. . .
natuto tuloy ang tao na mag puyat. . .
. . . gumimik
. . .mag-nakaw
. . .tumakas
. . .gumanon
. . .gumanyan
. . .magyabang


daming nagagawa ng oras. . .

kaya di ako nagsusuot ng orasan eh. . .

kasi parang nakakalimita ng sarili. . .

mag rerelos lng ako pag mickey mouse na classic ang relo ko. . .

Let there be light. . .

Dati Coke lng. . .

Ngayon may coke light. . .

Dati C2 lang. . .

Ngayon C2 light. . .

Dati Kape lng. . .

Ngayon Decaffeneited coffee. . .

Dati San miguel beer lang. . .

Ngayon San mig lights. . .

Dati Marlboro lng. . .

Ngayon Marlboro lights na. . . (hahahahah! ano yun? para healty?)

Ano kaya susunod?

tsk. . .tsk. . .tsk. . .

sabi nga. . . necessity is the mother of invention

eh ano ang kaartehan?

malamang eto yung naiimbento ng mga imbentor pag wala silang maisip na maimbento. . . (hmmmm)

Sabi nga ni master "kung di lang tamad ang mga scientist malamang nakatira na tayo sa Jupiter"

hayyy. . .

Ang daming talagang arte ng tao. . .

Ang dami tuloy ka-artehang naiimbento. . .

Ngayon May coke zero. . .

Ano kaya susunod?

Dark black na crayon?
Light white na damit?
Dirty dirt na basura?
Skinny na elephant jeans?
Kapeng nakakaantok?
Yosing nakakahaba ng buhay?
Teroristang Humanitarian?
Kalbong longback?
Presidenteng di corrupt?

Eh kung ganun WTF!

RULER

Siguro nga wala akong karapatan na tawagin ang sarili ko na writer,
siguro nga wala akong grado na kasing taas ng mga nakuha mo noong hayskul pa tayo,

OO alam ko naging presidente ka noong highschool tayo,
OO alam ko naging isa kang estudyante sa pilot section,
At madalas kang sumagot sa mga tanong ng guro,
alam ko kung papaano mo minaliit ang opinyon ng mga kaklase mong normal,
normal dahil di sila tulad mo. . .

Sa trono ng illusyon mo.
Doon ka nakaupo,
sa mga sulatin mong nababasa lng ng mga katulad mo,
oo iskolar ka nga ng bayan at nagaaral sa statwang nakahubo,
masyado kang pormal. . . masyado kang praktikal. . .
Masyado kang perpekto,
pero iyon ang inaakala mo. . .

Di ko alam kung naging masaya ang buhay mo noong hayskul,
sobrang bait mo, mas maputi ka pa sa puto
pero sing asim mo ang saw-sawan kong suka, di ka natural
isa kang kemikal. . .

Sana naranasan mo ring mapapunta sa principal dahil sa mga katarantaduhang nagawa mo,
Sana naranasan mo ring mag cutting classes tulad ng madalas gawin naming mga tao,
Sana naranasan mong maging bartikal sa larangan ng pagka siraulo,
Sana naranasan mong maging Top 2 sa huli ng section mo,
Sana pinagsulat ka rin ng mga dahilan para maka graduate ng highschool,
Sana pinag linis ka rin sa community service dahil sa katarantaduhang nagawa mo,
Sana na pingot ka din ng teacher mo dahil sa tigas ng ulo mo,
Sana, sana, sana? Teka bat ko ba hinihiling to sayo?

Siguro masyado lang akong nalinisan sa iyo,
Siguro dahil sa isinulat mong walang kabuluhang artikulo,
Na masyado kaming assuming para tawagin ang sarili namin na manunulat?
Ano tingin mo sayo? kasi para sakin isa kang itlog na maalat. . .

Masarap ka lang sa una, pero nakakasuya,
Masyado kang sagrado nilagay mo ang sarili mo sa trono,
Di ko nga alam kung masyado ka lang matalino para makapasok dyan sa eskwelahan mo,
O masyado ka lang hangal para ipag malaki ang estado mo. . .

Sana naging masaya ka sa pagkakakuha ng diploma mo,
sa ngayon ano kayang ginagawa mo?
subukan mong gumawa ng artikulo sa dyaryo,
asahan mo . . .

gagawin kitang pambalot sa tinapa ko...

ANG ARAW NA IBINENTA KITA

Langit nga kung tutuusin,
Pero sandali lang at nawala na agad ang aking panalangin,

Sa langit nag mula,
sa langit din nag punta,
Ang huling sigarilyo ko'y sumakabilang buhay na.

Tuloy ang pamimilipit,
Tuloy parin ang pagpupumilit,
Wala nang baterya ang telepono,
Umiikot na sa gutom ang paningin ko,
Tapos na ang rally sa aking tyan,
ngayon gyera naman. . .


Kundi ka ba naman bobo,
ubusin mo sa kaka dota ang pera mo,
ayan ang napala mo,
tignan mo ngayon, mukha kang gago. . .


Malapit ng sumilip ang hari,
ilang mag babalot na ang dumaan,
ilang mag tataho na ang lumisan,
bakit kapa nandyan?

Eto na ang huling pagsubok,
wala na akong magagawa kundi ibenta ka,
kahit papaano minahal kita,
ikaw pa naman ang nakasama ko noong nilalamig ako sa amerika,

hangang dito nalang ang ating pagsasama,
kung may pakiramdam ka lang malamang umiiyak ka na,
pero kailangan kong makahanap ng pang lunas,
sa katangahang aking dinaranas. . .

ANG ARAW NA NAMULOT AKO

Halos sampung oras kong hinintay ang aking sinta,
naglakad pa mula morayta,
Nilakad ang magkabilang hanganan,
hangang sa mapad-pad sa dapitan,

nagastos ko na ang lahat ng pera,
lalamunay ko'y natutuyot na,
sikmurang parang nag rarally na sa morayta.
Ubos na ang yosi, ubos na rin ang ng gasolina. . .

Tumatakbo parin ang makina sa king' dibdib,
dalawa lang ang tunog. . .

KAB-

OG

KAB-
OG

Pumipintig kahit wala nang baterya,
ang utak koy nasa ulap na. . .

Di ko malilimutan ang araw na iyon,
para akong nasa malamig na disyerto ng sampung taon
Kahit umiyak na ako ng dugo,
at daanan ng magtataho,

walang pera, walang tulog,walang kain, wala. . .
malapit nang dumungaw ang araw. . .
umupo sa tabi ng bangketa. . .

may lalaking nagtapon ng yosing marami pang tira. . .


Ang araw na namulot ako ng yosing pinitik. . .

nakatikim din ako ng langit. . .

kahit limang hit-hit. . .

OMEGA

converting the date from normal font to webdings. . . I noticed something

DECEMBER 21, 2012 = DECEMBER 21, 2012

My interpretation:

There will be 3 main targets and destroyed ...a protest will obviously happen, war will be maximized...A single rocket will be fired... but peace will be restored. . . then a long and uncomfortable SILENCE... then THE DAY where Violence and Wrath will be MAXIMIZED ...RUPTURE... but something will happen that will restore everything...

Google the date. . . open your eyes to what is happening. . .

You'll be stunned...

DECEMBER 21, 2012

I can feel it ...

Im frightened, afraid, fearful, terrified, petrified, nervous, startled, alarmed, worried, anxious, timid, timorous

BUT IM READY. . .

I think . . .

Are You?

MUSIKA

They said. . .

"Music is life."

True. Music is one of the things that makes my life... why?

Common sense. Can you live without any of these?

FOOD
FRIENDS
FAMILY
SHELTER
CLOTHING???

(cofee [optional])

(smokes [optional])

(internet[optional])

Add music to these:

FOOD + MUSIC = FINE DINING

FRIENDS + MUSIC = SOUND TRIPPING

FAMILY + MUSIC = FAMILY BONDING (videoke?)

SHELTER + MUSIC = GOOD AMBIANCE AND MOOD

CLOTHING + MUSIC = FASHION

COFEE + MUSIC = CHILLAX

SMOKES + MUSIC = JAMMING and MEDITATION

INTERNET + MUSIC = PIRACY errr... ENTERTAINMENT (XD)

SO MUSIC IS NOT SOLELY LIFE BUT MUSIC IMPROVES THE QUALITY OF LIFE .

:KENKOY:

VN: pare kung bibigyan ka ng pagkakataon, makamit ang pinaka gusto mong ma angkin sa buhay kapalit ng hobby mo payag ka?

Imaginary friend na Rakista: Hmmm...

VN: Hmmm Mawala music ok lang sayo kapalit ng isang pool ng chikababes?!

Imaginary friend na Rakista: Shet man! Hobby ko Kumain!! Pakielam ko sa Pool ng Chikababes? mabubusog bako dun?

This Night

Tonight, Tonight. . .
I'll sleep with my heart swollen,
not ripped, yet not broken.
Words hurt, but silence kills. . .
It was never colder. . .
This January chills. . .
I can live with it,
You, I can't live without. . .
It's alright to feel pain,
atleast I know,
I'm still alive. . .

Just don't kill me. . .
Starting this night. . .

SCAR TISSUES

Malupit ang pag-ibig,
Sa una akala mo banayad ang lahat,
kusa mong Ibibigay ang lahat-lahat,
Pero pag dumating ang panahong siya'y magpapasya,
na isang araw ay lisanin ka. . .

wala. . .
wala ka nang magagawa. . .

Iiyak mo man ang lahat ng luha mo't
gumawa ka ng dagat-dagatang pighati,
hindi mo mapipigil and oras,
at hindi mo narin maibabalik ang dati.

Kung sa pag-ibig,maraming beses na akong nasaktan,
kumbaga sa sugat isa na akong malaking peklat,
sa larangang ito,
ako ang palaging olats. . .

Makapal man at halos manhid na sa mga nararamdaman,
kung iyong pagmamasdan, mas malambot pako sa balat ng dalandan.
akala moy matibay at di napipinsala,
pero biglain mo sa hiwa,
maglalabas agad ako ng dagta. . .

CREDO ~2008~

Taong Dalawan libot walo ~

Eto ang aking credo. . .

Nagsimula ang taon na ito tulad ng ibang taon. kay bilis dumating pero di mo namamalayang matatapos na pala kinabukasan,
nag simula sa 1 natapos sa 31. . . parang pasukan na kay bilis at di mo
mapapansin malapit nanaman ang bakasyon. . . nagbago ang numero pero kahit kailan di nagkakapareho ang kwento.

Pinaka mahalagang natutunan ko sa taon na ito na ako ay nahahati ako sa 3 pagkatao. . .

~Ako na akala ko ay ako ~
~Ako na Ibang ako (na ayaw ko) ~
~At ako na ako ~

Marahil lahat siguro ng tao nahahati sa tatlo,
Para bang Past,Present at Perfect Present

Naalala ko noong bagong taon na noong 2007~2008

Nakahiga ako sa kutson ko at lumuluha,
OO, lumuluha ako noon dahil dun ko naramdaman ang sapak ng buhay sa akin. . . marami akong nagawang kasalanan. . . sa ibang tao, sa magulang ko at sa sarili ko. . .

Kung ano man yon di ko na sasabihin ang detalye. . . Alam na ni bossing yun.

Maraming nawala, ngunit marami rin ang dumagdag at dumating,

Kaibigan, Gamit at Pag-ibig. . .

Siguro dun lang naman talaga umiikot ang buhay ng tao sa tatlong iyon. . .
Pero sa tatlong iyon nag uugat ang mas marami pang bagay. . .
Kung susumahin siguro ang buhay ng tao, dito pa rin sa tatlong nabangit ang kakalabasan. . .

Pero pinaka matimbang siguro yung huli, kasi dun talaga nag uugat ang lahat. . .

Ganoon lng siguro ang buhay, Para talagang gulong, Minsan nasa taas, minsan naman flat. . .

Pero Serseryosohin ko ang mga sasabihin ko. . .

Kaibigan. . .

Yan ang wag na wag kang mawawalan,
Konti pa ang isang daang kaibigan pero marami na ang isang kaaway, ika nga. . .

Kaibigan, sa taong ito natutunan ko kung papaano magpahalaga sa kaibigan, natutunan ko ring i categorize ang mga kaibigan sa mga kakilala lang. . .

akala ko kasi dati na pag kakilala mo na eh ibig sabihin kaibigan mo na. . .

Iba pala iyon, ibang iba ang friends sa acquaintances. . .

para sa akin may tatlong klase ng kaibigan

~ Totoong Tunay na Kaibigan

~ Close Friends

~ Kaibigan/Katambay/Kausap

Di ko na kailangan pa ipaliwanag ang pinagkaiba ng isa sa iba. . . self-explanatory na to kumbaga. ang masasabi ko lang iingatan mo yung naunang dalawa kasi yun naman talaga ang importante, yung pangatlo depende na sa iyo. . .

Sa larangan naman ng Edukasyon, Di pala magandang ideya ang hindi mag review (hehe) kailangan din pala ito kahit, saglit lng, ugaliing mag review habang maaga, ugaliing ding gawin ang mga report bago ang deadline, para di na mag Cram at mas maraming free time na matira, kasi mas time consuming pag cramming. . .

Sa larangan naman ng pag ibig,

Walang masama na magkagusto sa isa, ang masama lang eh yung masaktan ka na wala ka namang karapatang masaktan, mag-hinanakit ka ng wala namang ginagawa ang tao sa iyo ...

at una sa lahat, MAG-TANONG if necessary. . . magtanong ng mahahalagang impormasyon, mga tanong tulad ng . . . (May Boyfriend/Girlfriend ka ba ngayon? Pwede ba akong manligaw? Kumain kana? Gutom ka ba? Pagod ka na? Ok lang ba? Ok ka lang ba? atbp.) mga tipong ganun. . . Kasi pag di mo natanong ang mga bagay na yun. . . may malalang consequence na pwedeng mangyari at ikaw din ang kawawa. . .

Sabi ko nga sa kaibigan kong bonsai

"Ok na yung mag mahal ako kahit di niya ako mahalin pabalik" sabi naman niya "masyadong over rated yung ganong principle"

Tama nga naman in a way. . .

Tao tayo kahit papaano may gusto rin tayong maramdaman kahit maliit na pagtingin. . . kahit ga-atom pa ang liit nyan. . .

Sa taong ding ito Marami din akong nadiskubreng talento. . .

Talent ko pala umubos ng lagpas sampung kape sa isang araw (10+ kapag may lamay)
Pwede pala akong maging baseball pitcher (hmmm. . .)
Kaya ko palang matuto sa simpleng pag tingin lng. . . ( Hmmmm x2)
Kaya ko pala mag hintay ng 12 oras para lang sa isang taong mahalaga sa akin ( abahhhhh. . .)
Kaya ko rin pala magparaya (. . .)
Kaya ko parin pala mag mahal (ayun emosyonalistics pwede na sa olympics)

At marami din akong nadiskubre sa sarili ko. . .

Kaya ko pala magpatawad ng sobra. . .
Kaya kong makita ang kabutihan ng tao kahit napaka tarantado niya. . .
Kaya kong baguhin ang mood setting ng isang lugar (depende kung gusto ko)
Kaya kong gumawa ng paraan para mapalapit sa isang taong mahirap lapitan. . .
Kaya kong magpasaya. . .
Kaya ko rin magpaiyak (kahit di ko alam na kaya ko)

Atbp. . .

Anu pa ba. . .

Nautunan ko na napakahalaga ng malinis na tubig sa isang bahay,
. . . na mas marami kang malalaman sa ibang tao kesa sa sarili mo lang
. . . na walang kwenta ang malamig na kape (tadhana ng kape na maging mainit)
. . . na pumili ng quality over appearance, quantity and the facade of things
. . . na lahat nagagawan ng paraan para maging positibo
. . . na ang lahat ng bagay ay may hanganan, kahit ang pagkakaibigan. . .
. . . na mas madaling pakisamahan ang mga taong hindi nag tatakong
. . . na maraming kaaway ang buhok ko
. . . na hindi lahat ng nababasa mo ay dapat mong paniwalaan
. . .na hindi porket galing sa internet ay totoo.
. . .na masama maglakad sa glorieta kung tatanga-tanga ka at masasapul ang (yahoo) mo sa railing sa gitna ng daan. . .
. . .na masarap mahalin ang bespren mong babae
. . .na magregalo ng mga bagay na gawa mo
. . .na gumawa ng tsokolate
. . .na wag mahiya hangat wala kang masamang ginagawa
. . .na walang kasing sarap ang balikan ang mga lugar ng iyong pagkabata
. . .masaya sa karnabal
. . .kailangan laging may suot na salawal
. . .intindihin muna ang sitwasyon bago umepal


marami pa akong na diskubre sa sarili ko. . . ganoon pala pag lumilipas ang taon at panahon, nadadagdagan at nababawasan, pero di tayo nawawalan ng matututunan. . . di mo pwedeng sabihing ganap ka na sa kasalukuyan. . . siguro masasabi mo lang na ganap ka na , kung may naiwan kang bakas sa mundo, yung tipong di basta basta kukupas at makakalimutan, yung tipong nakagawa ka ng isang malaking epekto na makakagawa pa ng iba pang malaking epekto. . . kapag nakapagsindi ka na ng apoy na maglilihab kahit wala ka na. . .habang lumulutang ka papalayo sa katawan mo at nagawa mo na ang mga ito. . . saka mo lang masasabing naging ganap kang tao.

Taong ika dalawang libo't siyam. . .

Isa nanamang pahina sa buhay ko. . .
Pag-iisipan kong mabuti at iingatan ko ang pag gamit ng tinta, lapis at pambura sa buhay ko. . .
Pero kahit kailan di mawawala ang kreyons ko. . .

+ Strive to be happy +

SEMI-IREVERSIBLE

Sana di na lang kita pinakawalan,
Sana'y di na na atat,
Gumanda ka nga,
Pumangit ka naman,
Sarap mo tuloy batukan,
Hmmmp!
Nakakainis ka,
Bakit ka kasi natulog sa proseso,
Yan tuloy nabulilyaso,

Hayyy. . .

Tanginang buhok to. . .
Gagong gupit amputa,
May pa hair-spa hair-spa ka pang nalalaman,
nag conditioner ka nlng sana. . .
Tanga. . .

Buod

Mga Words of wisdom ni Master Bob. . .

1. “Kung hindi mo mahal ang isang tao, wag ka nang magpakita ng motibo para mahalin ka nya…”

2. “Huwag mong bitawan ang bagay na hindi mo kayang makitang hawak ng iba.”

3. “Huwag mong hawakan kung alam mong bibitawan mo lang.”

4. “Huwag na huwag kang hahawak kapag alam mong may hawak ka na.”

5. “Parang elevator lang yan eh, bakit mo pagsisiksikan ang sarili mo kung walang pwesto para sayo. Eh meron naman hagdan, ayaw mo lang pansinin.”

6. “Kung maghihintay ka lang nang lalandi sayo, walang magyayari sa buhay mo… dapat lumandi ka din.”

7. “Pag may mahal ka at ayaw sayo, hayaan mo. Malay mo sa mga susunod na araw ayaw mo na din sa kanya, naunahan ka lang.”

8. “Hiwalayan na kung di ka na masaya. Walang gamot sa tanga
kundi pagkukusa.”

9. “Pag hindi ka mahal ng mahal mo wag ka magreklamo. Kasi may
mga tao rin na di mo mahal pero mahal ka… kaya quits lang.”

10. “Kung dalawa ang mahal mo, piliin mo yung pangalawa. Kasi
hindi ka naman mgmamahal ng iba kung mahal mo talaga yung una.”

11. “Hindi porke’t madalas mong ka-chat, kausap sa telepono, kasama sa mga lakad o ka-text ng wantusawa eh may gusto sayo at magkakatuluyan kayo. Meron lang talagang mga taong sadyang Friendly, sweet, flirt, malandi, pa-fall o paasa.”

12. “Huwag magmadali sa lalaki o babae. Tatlo, lima, sampung taon, mag-iiba ang pamantayan mo at maiisip mong hindi pala tamang pumili ng kapareha dahil lang sa maganda o nakakalibog ito. Totoong mas maganda ang kalooban ng tao higit sa anuman. Sa paglipas ng panahon, maging ang mga crush ng bayan nagmumukha ding pandesal, maniwala ka.”

13. “Minsan kahit ikaw ang nakaschedule, kailangan mo pa ring maghintay, kasi hindi ikaw ang priority.”

14. “Mahirap pumapel sa buhay ng tao. Lalo na kung hindi ikaw ang yung bida sa script na pinili nya.”

15. “Alam mo ba kung gaano kalayo ang pagitan ng dalawang tao pag nagtalikuran na sila? Kailangan mong libutin ang buong mundo para lang makaharap muli ang taong tinalikuran mo.”

16. “Mas mabuting mabigo sa paggawa sa isang bagay kesa magtagumpay sa paggawa ng wala.”

17. “Hindi lahat ng kaya mong intindihin ay katotohanan, at hindi lahat ng hindi mo kayang intindihin ay kasinungalingan.”

18. “Kung nagmahal ka ng taong hindi dapat at nasaktan ka, wag mong sisihin ang puso mo. Tumitibok lang yan para mag-supply ng dugo sa katawan mo.
Ngayon kung magaling ka sa anatomy at ang sisisihin mo naman ay ang hypothalamus mo na kumokontrol ng emotions mo, mali ka pa rin! Bakit?
Utang na loob! Wag mong isisi sa body organ mo ang mga sama ng loob mo sa buhay. Tandaan mo: magiging masaya ka lang kung matututo kang tanggapin na hindi ang puso, utak, atay o bituka mo ang may kasalanan sa lahat ng nangyari sayo, kundi IKAW mismo!.”

19. “Ang pag-ibig parang imburnal… nakakatakot mahulog… at pag nahulog ka, it’s either by accident or talagang tanga ka…”