Corruption Charm

...

"The bad guys win until they don't."

Sa Pulubi

Ikaw nanaman,
Sa umaga kung saan ang mga tao'y walang pakielam sa paligid,
Mga taong diretso ang paglakad para tuparin ang walang kabuluhan nilang
pangarap at panaginip,
Nandoon ka't nakaluhod hawak mo ang basong iyong napulot.
Sa bawat patak ng barya na iyong nakukuha. . .

Sumasaya ka ba?

Madadaanan nanaman kita,
Titignan at isasawalam bahala,
Bakit ba ako magbibigay?
kung makikita rin lang naman kita dito habang buhay?
Luluhod sa araw-araw at maghasik ng kaawa-awang mukha,
Ngiting pilit na iyong isinusukli upang ang gutom at kahirapan mo'y mapawi.

Bakit kita bibigyan?
Kung susustentuhan ko lang ang kahirapan mo upang mas lalo kang maghanap ng
mga bagay na lalong magpapahirap sa iyo?

Aanhin mo ang kakaunting barya na ibibili ng iyong makakain sa isang araw, para mabuhay at
mamalimos sa mga susunod pang araw?

Paulit-ulit, lagi nalang. . .

Bakit ako magsisisi?
Masama ba akong tao para tumanging magbigay ng barya sa iyo?
Bakit ka magtitiis na lumuhod sa isang lugar na kung saan ang mga tao'y naghahanap din ng yaman?
Masama bang tangihan ang konsensya kung alam mo namang tama na paminsay di
tama ang laging ma-awa?

Nanlilimos kaba para mabuhay o Nanlilimos ka dahil pinaniindigan mong wala ka nang pag-asa sa buhay?


Nandiyaan ka parin.
Madadaanan nanaman kita,
Titignan at isasawalam bahala.
Dasal nalang ang limos ko sa iyo,
Bahala na ang Diyos na magbigay awa.

Pungay

Sa pagitan ng mga oras ng alas kwatro at ala-una ng umaga,
kung saan pagod nang magbigay ng sinag ang mga tala,
kung saan gising na ang natutulog na parte ng iyong pag-iisip,
kung saan binabangungot na ng di-mapakaling diwa ang aking mga kamay,
kung saan naglalaro na sa iyong utak ang mga ala-alang matagal na sanang
nawala at nalimot.

Nagbubulakbol.

Ang ispirito ng alkohol na sa utak ay dumadaloy,
lumilibot at lumulunod sa mga panaghoy ng mga nakaraang pagkakasala,
sa sariling selda ng lungkot na iyong nilikha,
doon ako naiwan, nanatili at naniwala.

Nawawala.

Ang dating dampi ng ngiti sa mukha,
unti-unting binubura ng mga upos na nagbabaga,
lumiliyab, umiinit, umuusok at namimilipit.

Itim.

Nabubuo sa ilalim ng mga mata,
mga sintomas ng mabagal na pagtanda,
mabilis na pagkamatay,
at ang pagkabahala.

Lumilipas.

panahon na parang sampaguitang nalalagas,
sa mga poon ng lumang santong di na nabigyan ng panahon,
para luhuran at dasalan,
mga batong bingi sa mga kasalanan.

Dilim.

Paningin,
Mga awit na naririnig sa panaginip,
Lamig ng gabi na aking tatangkilikin,
yayakapin, papatayin at mamahalin.

SLEEP AWAKENING

Marami sa kanila ang di-naniniwala. . .

bakit ko sila pakikingan?

Ano ba ang sukatan para magsukat ka ng kakayahan ng ibang tao?

Wala. . . wala. . .

STAG NATION

"All it takes for evil to prevail is for good men to do nothing."

†